我喜歡蝸牛多過青蛙... 而家呢隻新妸係我負責清潔同換菜 :) (閱讀全文)
係夜來香花度發現...
今日去左戴個臨時牙套,下星期先安個永久既牙套... 做既過程有少少痛(會整到牙肉),冇打麻醉針,因為杜左牙根隻牙唔會痛... 不過比起cut牙肉拔除打橫生既智慧牙,應該係小兒科! 脫完隻智慧牙,簡直面都青埋... (如果我係兔既話,會嚇到呆左變雞蛋蹲,因為當晚我都有胃痛呀!)
搞完隻牙,去左德福既Market Place買左Mo少鍾意食既羅馬生菜,真係超多汁,Mo少食完一地下都係水! 行去搭地鐵既途中,畀以下既鍊吸引住,係黑兔頸鍊呀! 
點知呢個係背面,下面既先係正面... 不過我喜歡黑兔那邊多一點...反轉面戴都ok啫! :)
白色呢面都ok既,不過隻兔唔係太可愛...
脫完牙,買畀自己食既雪糕... :D
今朝起身,見Mo冇跟出黎問我攞野食,就知佢有唔妥,拎糧畀佢又唔食... 即刻畀左止痛藥,腸胃藥同水畀佢,見佢個樣好攰咁,但打畀兔公公,佢話Mo問佢攞左2次糧食,每次食左幾粒,見廁所有同平時差唔多既屎屎同尿尿,應該係剛剛開始唔舒服... 之後打左去book大圍,約左下午3時半,到2點9準備出發時,拎條菜畀Mo,佢又開始食喎,仲食左十幾條... 見佢剛開始食野,又唔敢帶佢去搭車住,因為搭完車佢又會唔食野... 不過見請左假,同埋差唔多食晒d藥,而睇開既醫生聽日又放假,所以就決定等佢食多幾條菜先出發!
留左尿拎去驗,今次冇發現有血,濃稀度適中,顏色唔混濁,醫生話算係有進步,但今日唔肯食既原因就唔知,有可能係膀胱痛,有可能係嘈,亦都有可能係餵藥既份量唔啱... 由於唔知道要搖勻藥先畀Mo食,到昨晚先發現其中一枝有沈澱物,所以係餵之前搖勻左先畀佢食,不過醫生話可能因此藥既份量濃左,導致佢腸胃唔舒服(!) 咁醫生開番啱份量既藥畀Mo...
由於打左止痛針同皮下水,Mo個樣好攰,我都好攰,大家都瞓到8點先起身,我抱左佢去廁所,佢就開始食草同有屎屎(約十多粒),我仲畀左5粒糧同大量菜菜畀佢食,菜菜食左十條,糧都有食晒,但到而家都仲未有尿尿... 未能夠放心住... 希望Mo少快快好番啦!
P.S. 今朝Mo唔舒服既時候我聽到出面既蟬聲都幾大聲,返黎後約5點幾,走廊尾既細路係度狂哭及尖叫,呢個細路有病呀,成日都係咁,係扭計唔知搞咩,唔知係唔係佢嘈親Mo?
